Ուրբաթ, 18 Դեկտեմբերի 2020 21:21

«Արարատ»-ի երեք ֆուտբոլիստ՝ խորհրդանշական հավաքականում

Vnews-ը կազմել է Vbet Հայաստանի Պրեմիեր լիգայի աշնանային հատվածի խորհրդանշական հավաքականը, որտեղ բոլորից շատ ներկայացուցիչ ունի «Արարատը»:

Խորհրդանշական հավաքականում են ընդգրկվել Վսևոլոդ Երմակովը, Դավիթ Խուրցիձեն  և Ուրոշ Նենադովիչը:

Վսևոլոդ Երմակովն «Արարատի» կազմում ընթացիկ մրցաշրջանում մասնակցել է բոլոր 11 հանդիպումներին և 5 անգամ անառիկ է պահել սեփական դարպասը։

Դավիթ Խուրցիձեն Հայաստանի ընթացիկ առաջնության 10 խաղի է մասնակցել և դարձել է 2 գոլի և 2 գոլային փոխանցման հեղինակ։

Ուրոշ Նենադովիչը 5 գոլով Հայաստանի ընթացիկ առաջնության լավագույն ռմբարկուն է: Նա մասնակցել է «Արարատի» բոլոր 11 հանդիպումներին: