Արաբական Միացյան Էմիրություններում մարզական հավաք անցկացնող Երևանի «Արարատն» իր երկրորդ ստուգողական հանդիպումն անցկացրեց։
Վարդան Բիչախչյանի թիմի մրցակիցը տեղական «Լիվա» ակումբն էր։ Հանդիպման հաշիվը բացվեց հանդիպման 21-րդ րոպեին․ Դավիթ Խուրցիձեի եզրից կատարած փոխանցումից հետո մրցակցի ֆուտբոլիստը գրավեց սեփական դարպասը։ 7 րոպե անց արդեն Էդգար Մալաքյանի եզրային փոխանցումը եզրափակեց «Արարատի» նորեկ Դմիտրիյե Պոբուլիչը։ Այս գոլն առաջինն էր սերբ կիսապաշտպանի համար  «Արարատի» կազմում։ Առաջին խաղակեսն ավարտվեց «Արարատի»՝ 2 գոլի առավելությամբ։

Երկրորդ խաղակեսում «Արարատի» գլխավոր մարզիչ Վարդան Բիչախչյանը փոխարինեց մեկնարկային կազմում ընդգրկված անխտիր բոլոր ֆուտբոլիստներին։ 62-րդ րոպեին դաշտի տերերը կրճատեցին հաշվի տարբերությունը՝ ճշգրիտ իրացնելով մեր թիմի դարպասին նշանակված 11 մետրանոցը։ Սերբ կիսապաշտպան Ուրոշ Նենադովիչից ընդամենը 11 րոպե պահանջվեց «դուբլ» ձևակերպելու համար։ Հանդպիման 70-րդ րոպեին «Արարատն» առջևում էր հաշվի մեջ արդեն 4։1 հաշվով։ Նենադովիչի գոլերը վերջինն էին այս խաղում։ «Արարատը» երկրորդ խոշոր հաշվով հաղթանակը տարավ ԱՄԷ-ում ընթացող հավաքի ընթացքում։

02․02․2021․ Դուբայ Սպորտս Սիթի,
Ստուգողական հանդիպում
 «Լիվա» 1։4 «Արարատ» 
Գոլերը՝ ԻԳ 21՛, Դմիտրիյե Պոբուլիչ 28՛, Ուրոշ Նենադովիչ 65՛, 70՛,  

 «Արարատը» հանդես եկավ հետևյալ կազմով՝ 
33․ Գրիգոր Մելիքսեթյան (Պողոս Այվազյան 66՛)
23․ Իվան Սպիչկա (Խուան Բրավո 59՛)
29․ Մարկո Պրլյևիչ (Յուրի Մաղաքյան 71՛)
8․ Ժիրայր Մարգարյան ( Քրիստիան Խիմենես 59՛)
22․ Արթուր Դանիելյան (Արտակ Եդիգարյան 59՛)
19․ Կարեն Մուրադյան (Դավիթ Մանոյան 59՛)
27․ Դավիդ Խուրցիձե (Զավեն Բադոյան 59՛)
55․ Դմիտրիյե Պոբուլիչ (Գրիգոր Մուրադյան 59՛)
18․ Էդգար Մալաքյան (Սերոժ Թիթիզյան 59՛)
7․ Աղվան Պապիկյան (փորձարկվող ֆուտբոլիստ 46՛)
98․ Մորի Կոնե (Ուրոշ Նենադովիչ 59՛)