VBET Հայաստանի Գավաթի խաղարկությունում «Արարատը» պայքարը սկսեց քառորդ եզրափակչից։ 

Նախորդ տարի նվաճելով գավաթը՝ այս մրցաշրջանում «Արարատը» տիտղոսի պաշտպանությունը սկսեց «Նոայի» հետ մրցավեճով։

Հանդիպման առաջին խաղակեսում հավասար պայքար էր ընթանում և երկու թիմերն էլ մի փոքր զգուշավոր էին գործում առջևի գծում։ «Արարատին» առաջին կեսում օգնության եկավ ստանդարտ իրավիճակը։ 30-րդ րոպեին տուգանային խաղարկումից հետո գոլի հեղինակ դարձավ Հովհաննես Նազարյանը, որն այս մրցաշրջանում արդեն երկրորդ անգամ է գրավում «Նոայի» դարպասը։

Առաջին 45 րոպեների ընթացքում «Նոան» երկու հարկադրված փոփոխություն կատարեց, ինչը ևս ազդեց թիմի խաղի վրա։ Նախ փոխարինվեց Ռայմոնդ Անանե-Ջյասին, ապա Ալեշանդրե Օլիվեյրան, նրանց փոխարեն դաշտ դուրս եկան Բենիկ Հովհաննիսյանը և Պետրոս Ավետիսյանը։ 

Երկրորդ խաղակեսում «Նոան» գնաց առաջ՝ խաղը փրկելու։ Մի քանի լավ հնարավորություն ունեին հյուրերը, սակայն ամեն անգամ իրեն հիանալի էր դրսևորում Վսևոլոդ Երմակովը։ «Արարատը» ավելի շատ ապավինում էր հակագրոհներին, որոնք նույնպես վտանգավոր էին ստացվում։ 

Գոլեր այլևս չգրանցվեց։ Հանդիպումն ավարտվեց 1։0 հաշվով և «Արարատը» նվաճեց կիսաեզրափակչի ուղեգիր։

VBET Հայաստանի Գավաթ, քառորդ եզրափակիչ,
Երևան, «Հանրապետական» մարզադաշտ
«Արարատը»-«Նոա»՝ 1։0
Գոլը՝ Հովհաննես Նազարյան՝ 31

«Նոա»- 99․ Գրիգորի Մաթևոսյան, 7․Էդուարդս Էմսիս (87․ Ալեքսանդր Կարապետյան, 63) 20․ Սիմոեշ դե Օլիվեյրա Ալեշանդրե Միգել (96․ Պետրով Ավետիսյան, 40)17․Ջորդի Ժոաո Մոնրոյ Արարատ, 13․ Պավել Կիրիենկո 65․Ռայմոնդ Անանե-Ջյասի (10․ Բենիկ Հովհաննիսյան, 9) 5․Իգոր Սմիրնով, 8․Սարգիս Շահինյան, 92․Սանա Գոմես 97․Ալբերտ Գաբարաև 15 ․Մաքսիմ Մայրովիչ

«Արարատ» - 45․ Վսևոլոդ Երմակով, 33․ Հովհաննես Նազարյան, 5․ Հրայր Մկոյան, 99․ Ռոբերտ Դրաբինյան, 8․ Ժիրայր Մարգարյան, 27․ Իվան Դիաս, 11․ Դավիթ Մանոյան (23․ Գոռ Մալաքյան, 75), 18․ Էդգար Մալաքյան, 26․ Ալիկ Առաքելյան (7․ Իսահ Ալիյու, 75), 55․ Դիմտիրիյո Պոբուլիչ (9․ Ռազմիկ Հակոբյան, 90), 17․ Յակուբա Սիլուե