ՈւԵՖԱ-ի Կոնֆերենցիաների լիգայի որոկավորման երկրորդ փուլում «Արարատի» մրցակիցը լեհական «Շլյոնսկն» էր։ Առաջին խաղ, որը կայացել էր Գյումրիում, ավարտվել էր Վրոցլավը ներկայացնող թիմի հաղթանակով՝ 4։2։

Պատասխան խաղը կայացավ Վրոցլավի քաղաքային մարզադաշտում՝ ավարտվելով 3։3 հաշվով։

ԾԱՆՐ ՄԵԿՆԱՐԿ

Հանդիպումը շատ բարդ սկսվեց երևանյան թիմի համար։ Արդեն 2-րդ րոպեին Պիխը կարողացավ բացել խաղի հաշիվը։

ԳԵՐԱԶԱՆՑ ԿՈՆԵՆ

Իհարկե, մեկնարկը դժվար էր, բայց «Արարատը» «Արարատ» չէր լինի, եթե կռիվ չտար։ Մի քանի վտանգավոր պահերից հետո գնդակը վերջապես հայտնվեց տանտերերի դարպասում 41-րդ րոպեին։ Աչքի ընկավ Կոնեն։ Հաշված րոպեներ անց Կոնեն արդեն դուբլ գրանցեց ու մեր թիմը հաշվի մեջ ստացավ առավելություն՝ 2։1

ԿՐԿԻՆ ԳՈԼ ԱՆԿՅՈՒՆԱՅԻՆԻՑ

Երկրորդ խաղակեսը տանտերերը շատ ակտիվ մեկնարկեցին։ Լեհական թիմն անընդհատ սպառնում էր «Արարատի» դարպասին և 58-րդ րոպեին Լովկետը հավասարեցրեց հաշիվը՝ 2։2։ «Շլյոնսկը» շարունակեց ակտիվ խաղալ ու 66-րդ րոպեին արդեն առաջ անցավ հաշվի մեջ։ Գոլի հեղինակ դարձավ Ռոբերտ Պիխը՝ դուբլ գրանցելով։

Իր բնավորությանը համաձայն «Արարատը» մինչև վերջ կռիվ տվեց ու խաղավերջում հավասարեցրեց հաշիվը։ Գոլով աչքի ընկավ Յակուբա Սիլուեն։

Այսպիսով, խաղն ավարտվեց 3։3 հաշվով և ընդհանուր 7։5 հաշվով հաղթանակ տոնելով «Շլյոնսկը» շարունակում է պայքարը։

«Շլյոնսկ»-«Արարատ»՝ 3։3
Վրոցլավ, քաղաքային մարզադաշտ, 10250 հանդիսական
ՈւԵՖԱ-ի Կոնֆերենցիաների լիգա, որոկավորման երկրորդ փուլ
Գոլերը՝ Ռոբերտ Պիխ` 2, 66, Լեվկոտ՝ 58 -  Կոնե՝ 40, 42, Սիլուե՝ 90

«Արարատ» - 45․ Վսևոլոդ Ե2րմակով 44․ Խուան Բրավո 5․Հրայր Մկոյան 29․Մարկո Պրլևիչ 8․Ժիրայր Մարգարյան 11․Դավիթ Մանոյան (23․ Գոռ Մալաքյան, 7,) 55․Դիմիտրիյե Պոբուլիչ (7․ Իսահ Ալիյու, 79) 26․Ալիկ Առաքելյան (22․ Իգոր Ստանոևիչ, 61) 18․Էդգար Մալաքյան (9․ Ռազմիկ Հակոբյան, 61) 10․Դերժ Դեբլե (17․ Յակուբա Սիլուե, 73) 98․Մորի Կոնե

«Շլյոնսկ» - 22. Միխալ Շրոմնիկ 39․ Շիմոն Լեվկոտ 14․Վոյչեխ Գոլա 15․Մարկ Տամաշ 19․Պատրիկ Ջանասիկ 29․Կրժիշտոֆ Մարժինսկի 6․Ռաֆա Մակովսկի 23․Գարսիա Մարին 7․Ռոբերտ Պիխ 8․Մատեուշ Պրաշելիկ (5․ Վալդեմար Շոբոտա, 38) 9․Էրիկ Էքսպոսիտո (11․ Ֆաբիան Պիասեչկի, 88)