Հուլիսի 15-ին «Արարատը» Կոնֆերենցիաների լիգայի որակավորման առաջին փուլի պատասխան խաղում Գյումրիում մրցեց հունգարական «Ֆեհերվարի» հետ։

Առաջին խաղն ավարտվել էր 1։1 հաշվով։ Պատասխան խաղը ստացվեց լարված ու թեժ։

ՀԱՆԳԻՍՏ ՄԵԿՆԱՐԿ

Առաջին խաղակեսի մեկնարկը բավականին հանգիստ էր։ Թիմեր չէին փորձում մեծ ուժերով առաջ նետվել, չնայած տարածքային առավելությունը մի փոքր հունգարական թիմի կողմն էր։ «Արարատը» պաշտպանվում էր մեծ ուժերով և սուր հակագրոհներ կազմակերպում։

Ու ԿՐԿԻՆ ՆԱ

«Արարատը» պաշտպանվում էր շատ լավ ու հնարավորություն դեպքում անչափ վտանգավոր գրոհում։ Հակագրոհներից մեկի ժամանակ էլ երևանյան թիմը ստացավ տուգանային հարվածի իրավունք։ Գնդակին մոտեցավ Դիմիտրիյե Պոբուլիչը և շքեղ հարվածով բացեց հաշիվը։

ՊԱՐԶԱՊԵՍ՝ ՅԱԿՈՒԲԱ ՍԻԼՈՒԵ

Երկրորդ խաղակեսում «Արարատը» նույն մարտավարությամբ էր գործում։ Զգացվում էր, որ վաղ թե ուշ արագ հակագրոհները տալու են իրենց արդյունքը։ 85-րդ րոպեին երկար փոխանցումից հետո փոխարինման մտած Յակուբա Սիլուեն շատ վստահ խաղաց ու հաշիվը դարձրեց 2։0։

Այսպիսով, «Արարատը» հաղթում է ընդհանուր 3։1 հաշվով ու դուրս գալիս որակավորման երկրորդ փուլ։ 

ՈՒԵՖԱ, ԿՈՆՖԵՐԵՆՑԻԱՆԵՐԻ ԼԻԳԱ, ՈՐԱԿԱՎՈՐՄԱՆ ԱՌԱՋԻՆ ՓՈՒԼ
Գյումրի, Քաղաքային մարզադաշտ
«Արարատ»-«Ֆեհերվար»՝ 2։0
Գոլ՝ Դիմիտրիյե Պոբուլիչ (33), Յակուբա Սիլուե (85)

«Արարատ» -  45.Վսևոլոդ Երմակով, 29․Մարկո Պրլևիչ, 5․ Հրայր Մկոյան, 8․Ժիրայր Մարգարյան, 44․Խուան Բրավո (2․ Ռոբերտ Հակոբյան, 75), 55․Դիմիտրիյե Պոբուլիչ, 19․Կարեն Մուրադյան, 18․Էդգար Մալաքյան (11.Դավիթ Մանոյան, 54) 26․Ալիկ Առաքելյան (9․Ռազմիկ Հակոբյան, 68) , 10. Սերժ Դեբլե (17. Յակուբա Սիլուե), 98․ Մորի Կոնե 

«Ֆեհերվար»- 74․ Ադամ Կովաչսիկ, 22․ Ստոպիրա, 26․ Միքայել Լուֆտներ (6․ Վիսար Մուսիլու), 5․Ատիլա Ֆիոլա, 55․ Մարսել Հեիստեր 70․ Ֆունսո Բամգոյե (23.Պալ Դարդայի), 11․Լուիս Նեգո, 95․Ալեֆ 7․ Իվան Պետրիակ, 96․ Լյես Հուրի (9. Բուդու Զիվզիվաձե), 17․ Նեմանյա Նիկոլիչ